فيديو.. زوجة المعتقل حسن أنور تروي قصة اغتصابها أمام زوجها بأمن الدولة بمصر

قالت زوجة السجين «حسن. أ»، إنها تعرضت لمحاولة اغتصاب، من عدد من ضباط الشرطة بقسم مدينة نصر، أمام زوجها، لإجباره على الاعتراف والاقرار بما سيتم كتابته من تهم موجه إليه، على حد قولها.

وقالت زوجة «أنور» في فيديو، تداوله مستخدمو التواصل الاجتماعي، من ندوة نظمها مركز هشام مبارك الحقوقي لتسليط الضوء على أوضاع السجناء، الأحد: «بعد ما ضربني الضابط، قالي شايفه جوزك عمل فيكي ايه، قولتله حضرتك اللي ضربتني مش هو، وهو مش عمل حاجة، بعدها دخلني أوضة، وحاولوا يغتصبوني، بعد ما قاله قلعها، فزوجي، قالهم سيبوها، وهتكلم بس طلعها طلعها، ودخلوني أوضه وحاولوا يغتصبوني، وقولتلهم حرام وصرخت بصوت عال، فزوجي قالهم قولولي أقول ايه بس بلاش الموضوع ده»، وذلك حسب رواية الزوجة.

وأضافت: «خرجوني، وواحد قال لو مش اتكلم، هاتها من بره تاني، زوجي قالهم قولولي أقول ايه، وبعدها دخلوني تاني، كتفوا ايدي ورا ظهري، وحطني على الكرسي، وكانوا عايزين يعلقوني على الباب»، مؤكدة: «زوجي يتعرض للتعذيب داخل القسم، وبيعلقوه على الباب، وبيضربوه بصواعق كهربائية في أماكن حساسة».

وأوضحت الزوجة، أن زوجها يعمل سباك، وتزوجت قبل 4 أشهر، وأنه متواجد داخل قسم شرطة مدينة نصر.